Media Innovation Lab: Frymëzimi me fituesit e vitit të kaluar

03.11.2020. / 13:20
Share
Media Innovation Lab: Frymëzimi me fituesit e vitit të kaluar
Media Innovation Lab: Frymëzimi me fituesit e vitit të kaluar
Media Innovation Lab: Frymëzimi me fituesit e vitit të kaluar

Nga viti në vit, Media Innovation Lab u ofron mundësi gazetarëve dhe profesionistëve të tjerë të medias të japin zgjidhje të reja për sfidat e përbashkëta, por edhe të dëgjojnë përmbajtje kreative dhe inovative për profesionistët e medias, dizajnerët dhe të gjithë njerëzit që duan të jenë të informuar për mediat e reja, dhe sfidat dhe ndryshimet që ato sjellin.

Media Innovation Lab këtë vit do të mbahet online nga 1 deri më 4 dhjetor, dhe gjatë katër ditëve të punës në pesë projekte të zgjedhura do të keni mundësinë të zhvilloni intensivisht idenë tuaj për projekte inovative nën drejtimin e mentorëve të shquar rajonalë.

Përmes Media Innovation Lab, tre idetë më të mira do të mund të marrin mbështetje financiare deri në 5000 dollarë për zhvillimin e mëtejshëm të idesë suaj.

Të gjithë dokumentet, materialet dhe seancat do të jenë në anglisht, e cila do të jetë gjuha e punës e Media Innovation Lab.

Tema e sivjetme e Media Innovation Lab është raportimi etik gjatë pandemisë, dhe të gjithë projektet e paraqitura duhet të mbështeten në këtë temë.

Afati i fundit për dorëzimin e ideve është 9 tetor, ndërsa këtu mund të lexoni më shumë për thirrjen.

Më poshtë po ju sjellim informata rreth projekteve të vitit të kaluar, të cilat mund të jenë frymëzim i mirë për idetë tuaja.

Ne Media Innovation Lab të vitit të kaluar, një nga idetë fituese ishte ideja e SisterAnalyst nga Serbia me idenë e krijimit të një platforme online që do të përdoret për të zhvilluar dhe paraqitur materiale edukative për të përmirësuar aftësitë mediale për mbledhjen, manipulimin, hulumtimin, vizualizimin dhe raportimin e të dhënave. Qëllimi i tyre kryesor është të tregojnë potencialin e shfrytëzimit të gjuhës R në data gazetari, si dhe shpërndarjen e përvojave të ndryshme që kanë të bëjnë me shfrytëzimin e kësaj gjuhe përmes blogut dhe audio formateve.

Shikoni videon, frymëzohuni dhe sigurohuni që të regjistroheni në Media Innovation Lab të këtij viti, sepse kanë mbetur vetëm edhe pesë ditë.

Ocjenite kvalitet članka