Нашите хероини: Маријана Бојаниќ

15.03.2022. / 09:47

Balkansmedia.org во текот на месец март ќе претстави и ќе прослави само неколку од милионите жени во медиумите кои секојдневно ги уриваат бариерите и го трасираат патот за младите генерации на новинарки и на медиумски работнички. Во соработка со илустраторката Лејла Ахмедспахиќ, една од илустраторките која работеше и на проектот #ŽeneBiH, ќе можете да видите 6 исклучителни илустрации за 6 неверојатни медиумски работнички на Балканот за да ве запознаеме со жените во медиумите и надвор од рамките на вашите држави и за да им дадеме надеж на младите генерации на медиумски работнички дека не се сами, дека имаат поддршка и дека имаат темели од кои можат да почнат.

Минатата недела ви ја претставивме Вилдана Селимбеговиќ, а денес ја претставуваме нашата хероина Маријана Бојаниќ, извршна директорка на телевизијата Vijesti и на Daily press во чии рамки работат дневниот весник Vijesti и порталот Vijesti.

Медиумите под брендот Vijesti се медиуми со најголема доверба. Телевизијата Vijesti, во која таа беше уредничка, со години е најгледана телевизија во Црна Гора, додека пак порталот, од своето основање, цела деценија е убедливо најчитан во земјата.

Маријана Кадиќ Бојаниќ дипломирала на Филозофскиот факултет. Кариерата ја започнала како новинарка во неделникот Monitor во 1999 година. Добитничка е на повеќе награди. Наградата за истражувачко новинарство на Институтот за медиуми ја добила во 2005 година. Наградата за филантропија Искраи била врачена во 2012 година, додека пак наградата за најдобра менаџерка ја добила во 2017 година. Таа се занимава со хуманитарна работа и е еколошка активистка. Мажена е и е мајка на три деца.

Новинарската кариера ја започнала во 1999 година во неделникот Monitor, а од 2008 година работи во ТВ Vijesti.

Самиот премин од неделен весник, каде што има еден ритам и начин на работа, во телевизија, каде што темпото е побрзо, беше предизвик”, вели Маријана. Исто така, таа наведува дека можноста да се обиде во различни форми на тв новинарство била сатисфакција, но и нов предизвик.

Така го разбирам и најновото работно место”, истакнува Маријана. Таа не им робува на формите, не го работи само она што ѝ е во во описот на работното место”, туку сама ја проширува нејзината сфера на работа и на интерес.

Мислам дека тоа е добро за мене, но и за куќата во која работам”, наведува Маријана.

Маријана наведува дека не е секогаш едноставно сѐ да се вклопи со многу активниот семеен живот, со времето кое им го посветува на синовите Давид и Никша, на ќерката Искра, на сопругот, на мајка ѝ, на пријателите и на пријателките, на хобијата, на готвењето кое ѝ е омилена антистрес терапија, на патувањата на кои со задоволство одат. “Мојот распоред е секогаш натрупан и иако е доста тешко да се стигне сѐ, сама го избрав овој начин на живот и сама барам нови предизвици”, вели Маријана.       

marijana bojanic nase heroine
Илустрација на Лејла Ахмедспахиќ

Оценете го квалитетот на статијата